Salin Srengat

Anenggih menika to
warnanira negari ngastina
Sak bubare perang gedhe
kang sinebut baratayudha

Negari katingal subur nanging ora makmur
Gemah nanging ora ripah, karta ora tata
Ora raharja
Wauta nalika semana negari ngastina

Ngastina wos kalah perang,
Bratayudha amungkasi
Pendawa uripe mulyo, Slegrang
slegreng lungguh kursi
Ngastina wos kalah perang,
Bratayudha amungkasi
Pendawa uripe mulyo,
ngunjuk anggur dhahar roti

Iki cerito asale seka negara ngastina
sak bubare perang gedhe baratayudha
pandawa bungah, bungah dadi pemerintah
kurawa kalah, kalah ngastina di jajah

Dirampok impene, uripe tansah susah
arep seneng sithek wae wes podho dijarah
Sedino mangan pisan kuwi jarene lumrah
Opo meneh dinggo ragat anake sekolah

Mongko mbiyen kondhang
ngastina gemah ripah
Ditoto titi tentrem, rukun podo manembah
Nadyan bedo penemu
nanging ra tau congkrah
Ning saiki bedo sithik
wae mesti keno fitnah

Kalah, wong kalah mono kudu gelem ngalah
Ngalah, wes gelem
ngalah kudu ngaku salah
Bubrah, ngastina saiki wes bubrah
Utekke wes keno loro komplikasi parah

Lo.. jare pandawa kui
berbudi bowo leksana
Lha yo bener nanging mbiyen
sak durunge podho kemul bondho
Kowe ojo ngawur, pandawa
kui satria sejati
Kui mbiyen, sakdurunge
tepung sing jeneng korupsi

Malah kabare saiki
wiwit do podho mbagusi
Ora eling marang sangkan
parang ing dumadi
Perjuangan lan lelabuhan
wes ora diregani
Nganggo gaman demokrasi
kanggo golek bathi

Ngastina wos kalah perang,
Bratayudha amungkasi
Pendawa uripe mulyo, Setelan
jas neng seneng ngapusi
Ngastina wos kalah perang,
Bratayudha amungkasi
Pendawa soyo ra cetho,
janjine ra tau dadi

Loh kowe ojo ngawur, (iki fakta dulur)
Kowe ojo waton, (alah iki wes kelakon)
Mbok ojo dleweran, (yung
alah iki kasunyatan)
Lha opo buktine, (kowe
aku wes ngrasakke)

Maling mobile malah kincling
Copet umure awet
Garong omahe magrong magrong
Pungli samsoyo ndadi

Sing salah podho bungah bungah
Sing bener do klenger
Sing kliru podho mesem ngguyu
Sing jujur do ajur

Sing bejat malah podho berkat
Sing suci dibenci
Sing ngawur pangkate dhuwur
Sing nggenah difitnah

Eling pomo di pun eling
yen gusti ora sare
Mesti krungu sambate
kawula kang susah uripe
Sopo kang mbibiti ala
ing kono bakale sirna
Sopo ingkang bener bakale tinemu

Suro diro jaya ningrat
Lebur dening pangastuti